Wednesday June 28, 2017
23 jir Soomaali ah ayaa lagu xiray jasiiradda Lampedusa ee dalka Talyaaniga kaasoo lagu soo eedeeyay jirdil iyo
kufsi uu kula kacay dad dhibaateysan oo magangalyo doon ah kuna sugnaa dalka
Libya ka hor sodcaalladoodii Mediterraneanka, sida laga helay ilo wareedyo Talaadadii.
Arrintan la xiriirta eedeynta ninkan dhallinyarada ayaa la
sheegayaa iney ka dhacday dhul-beereed lagu magacaabo Xudeyfa, degmada Kufra oo
ku taal dhulka saxaraha ah ee Libiya.
Warbixinno laga qoray dhibbanayaashii iyo markhaatiyo laga
qoray ayaa sheegeysa in ninkan uu dadkaas jilicsan ku garaaci jiray KARBAASH ka
sameysan tuubooyinka cinjirka amaba caagga ah isla markaasna ku haddidi jiray
hub kuna cabsiin jiray inuu dilayo siduu rabana ka yeeli jiray.
No comments:
Post a Comment